Malipayong nagkahiusa ang mga kaigsoonan sa maong iglesiya sa pagsaulog sa ika-upat nga anibersaryo sa pagpakig-uban sa Ginoo ug sa Iyang padayon nga paggamit sa Cabay-angan SDA Church isip instrumento sa pagpangabudlay alang sa Iyang buluhaton karong adlawa Mayo 25, 2026.

Naghatag og makapadasig nga testimonya si Bro. Elson Donasco, Head Elder, kabahin sa kasaysayan sa iglesiya — gikan sa pagsugod sa plano hangtod sa pagkatukod niini. Kauban usab si Sis. Daisy Denolan, Church Clerk, nga mipahayag nga bisan pa sa mga pagsulay ug kalisdanan nga ilang naagian, ang kalipay ug pagsalig sa Ginoo maoy kanunay nga nagpatigbabaw.

Dako usab ang kadasig ug kalipay ang gibati sa mga miyembro pinaagi sa mensahe ni Elder Seth Suan, NDM President, nga nagpasantop nga: “Kini nga pagsaulog usa ka dakong kadaugan, ug hinaut nga magpadayon kita nga mahimong instrumento aron mahuman ang Balay Alampuanan sa Dios.”

Sa sinugdanan, pito lamang ka pamilya ug usa ka batan-on ang matinud-anong nagtambong sa pagsimba. Apan pinaagi sa paglambo sa buluhaton sa Ginoo, misaka kini ngadto sa 85 ka miyembro — usa ka klarong timaan nga ang panalangin sa atong buhi nga Dios anaa sa Iyang katawhang matinud-anon nga nagasuporta ug nagapailalom sa Iyang buluhaton.

“Busa, akong mga hinigugmang igsoon, pagmalig-on kamo, dili matarug, ug magmalamboon kanunay sa buhat sa Ginoo, kay nasayod kamo nga ang inyong paghago diha sa Ginoo dili kawang.” — 1 Corinto 15:58

https://www.facebook.com/share/p/1G3xF4JvTs/